Eg fekk utdelt ei oppgåve som ber om eit bilete av eit "uterom". Men då spør eg meg sjølv: er eit uterom berre bygningar og gater? Kva ville andre sagt om dette?
Erichsen (2006) nemner to typar "rom" i bilete, romkjensle og romperspektiv.
Om romkjensle skriver han (ibid: s.113-114): "Dess lenger borte ein ting er, dess mindre blir han. Dette kan du utnytte sterkare ved å ta med eit anna element i biletet som er mykje nærare den som ser, eller kameraet. Avstanden frå kameraet og den næraste tingen til den som er langt unna, verkar då enda større - og romkjensla aukar."
For å få fram romperspektiv skriv han(ibid: s.113) at "i dei fleste perspektiviske framstillingar har vi forkorting eller forminsking innover i rommet. Ved bruk av ulike objektiv kan perspektivet forvrengjast også av fotografen."
Ettersom eg tolka temaet "uterom" som ganske opent, så valde eg å prøve meg på noko utanfor arkitektur og gater, der eg la meir fokus på djupna i bileta.
Ettersom eg elsker nattebileter, så startar eg med dei:
Stjerneregn
Lukkertid: 1631sek
Blender: f/3.5
ISO: 100
Objektiv: 10-24mm
Kamera: Canon EOS 7D
Dette biletet valgte eg fordi det er et bilde som viser mykje dynamikk samtidig som det har fleire djupneelement som er med på å forsterke avstands- og romkjensle.
Aurora borealis
Lukkertid: 67sek
Blender: f/3.5
ISO: 100
Objektiv: 10-24mm
Kamera: Canon EOS 7D
På dette biletet så hjelper lyset mykje med djupna i biletet, og her er det også eit "ope rom" over marka som ein ser strekker seg innover i biletet, mot lysa frå byggefelt og veg.
Sove under open himmel
Lukkertid: 537sek
Blender: f/11
ISO: 100
Objektiv: 10-24mm
Kamera: Canon EOS 7D
Dette biletet synest eg ikkje er spesielt godt komponert, men liker godt idèen med å lage ei seng ute, men det kunne vert bedre gjennomført. Ellers føler eg at dette kunne fungert til temaet, både med tanke på innhold og romkjensle.
Gang mot sjøen
Lukkertid: 197sek
Blender: f/3.5
ISO: 100
Objektiv: 10-24mm
Kamera: Canon EOS 7D
Eg likte veldig godt djupna mellom veggane, i tillegg til at dette biletet viser spesifikt eit rom mellom to hus ute. For å fremme djupna til gangen valde eg å sette ei lykt i enden av gangen som ville fremme skuggar og form.
Klatremus
Lukkertid: 59sek
Blender: f/5
ISO: 500
Objektiv: 10-24mm
Kamera: Canon EOS 7D
På dette biletet brukte eg det samme "rommet" som "Gang mot sjøen", men her valde eg å ta biletet i froskeperspektiv for å få rommet til å sjå djupare ut og personen i enden gir eit inntrykk av å vere enda lenger oppe på veggen enn om biletet var tatt i normalperspektiv. Personen er med på å skape meir variasjon og spenning i biletet, men eg er ikkje sikker på om det kanskje blir litt for mykje.
Selvfølgelig så er det ikkje berre natt i fotoarkivet mitt, så eghar prøvd meg litt på å finne kreative løysingar for "uterom" på dagtid også.
Love
Lukkertid: 1/40
Blender: f/14
ISO: 100
Objektiv: 10-24mm
Kamera: Canon EOS 7D
Her har eg tatt utgangspunkt i skuggar som framhevar djupne igjen. Sjølv om eg synes det er eit ganske "behagelig" romperspektiv i biletet, så føler eg ikkje at det er noko spesielt ved det.
Lav sol
Lukkertid: 1/320
Blender: f/14
ISO: 100
Objektiv: 10-24mm
Kamera: Canon EOS 7D
Her har eg tatt utgangspunkt i å bruke kameraet for å gi sola ei "stjerneeffekt", samstundes som eg har teke biletet i eit froskeperspektiv, slik at skuggane ser lengre ut, og dermed får biletet ei tydelegare djupne.
Veksande is
Lukkertid: 1/800
Blender: f/5
ISO: 100
Objektiv: 10-24mm
Kamera: Canon EOS 7D
Dette biletet synes eg har eit ganske godt motiv, der isen har fryst oppover, men eg føler at eg kunne fått ei enda tydeligare djupne i biletet til trass den uklare bakgrunnen og skuggane og kvistane som skiller istappane frå kvarandre og viser avstanden mellom dei.
Frost under snøen
Lukkertid: 1/60
Blender: f/4
ISO: 100
Objektiv: 10-24mm
Kamera: Canon EOS 7D
Dette biletet har ikkje det samme breie omfanget av motiv som resten, men her får ein ei klar romkjensle frå biletet der linjene på isen blir meir og meir uklare dess lenger under snøen ein ser, avstanden mellom dei blir mindre og skuggen under snøen viser at her er ei opning, eit rom mellom snøen og isen.
Fjelltur
Lukkertid: 1/800
Blender: f/4
ISO: 100
Objektiv: 10-24mm
Kamera: Canon EOS 7D
Personane i biletet viser ei djupne ved hjelp av storleikar, det gjer for så vidt fjella også. Om eg hadde fått tydeligare fram at dette biletet vart tatt i ein dal, så kunne eg kanskje fått fram enda meir romkjensle, men eg er personleg ganske fornøgd med biletet, med tanke på korleis lyset og djupna i biletet presenterer motivet.
Det er forresten tilfeldig at eg har brukt 10-24mm på alle dei valgte bileta. Sjølv etter å ha gått over kvifor desse bileta representerer "uterom", så er eg framleis usikker på om "uterom" kun er gater og arkitektur.
